الفرق بين
{ Shell Thin – Shell Thick – Membrane }
عند تعريف البلاطات أو الحوائط في البرنامج يظهر أكثر من نوع من العناصر، وأشهرها:
🔹 Shell Thin:
يقاوم القوى في اتجاه Out of plane و دي اللي بتسبب Bending Moment على البلاطة وكذلك القوى في اتجاه In plane و دي القوى الجانبية المؤثرة على البلاطة
لكنه بيهمل تأثير حدوث تشكلات القص على البلاطة و ده بيكون بسبب سمك البلاطة الصغير
والنوع ده الأكثر استخدامًا في نمذجة البلاطات العادية في المباني.
🔹 Shell Thick:
و النوع ده نفس النوع السابق ولكن الفرق هنا انه بياخد في الاعتبار حدوث تشكلات القص على البلاطة و ده بسبب سمك البلاطة الكبير نسبيًا زي اللبشة مثلا.
🔹 Membrane:
النوع ده بينقل قوى داخل المستوى فقط ( In Plane )
و لا يقاوم Bending Moments.
عشان كده بيستخدم أحيانًا لما بنحتاج من البلاطة نقل الأحمال فقط إلى الكمرات بدون مشاركة منها في العزوم و البلاطة دي بتطلع نتائج العزوم قريبة جدا من الحل اليدوي.
ملاحظة :
▪️البلاطات: عند تخفيض الجساءات، يتم تقليل Bending stiffness فقط.
▪️الحوائط: عند تخفيض الجساءات، يتم تقليل Membrane stiffness، لأن الأحمال الأساسية عليها تكون In Plane.
