مسار إعداد مهندس “تصميم إنشائي”

• مفيش أحسن من مهندس فاهم تصميم خرسانة مانيول كويس + بيعرف يشتغل علي برامج التصميم المشهورة زي الأوتوكاد و السيف و الإيتابس و غيره
• المهندس ده هيبقي سريع في شغله و هيعرف إمتي بشتغل سيف و إمتي يشتغل إيتابس و إمتي يشتغل ساب و كمان لما يجي يختار النظام الإنشائي المناسب للمشروع علشان هو فاهم مانيول كويس هيختار نظام إنشائي مناسب من أول مرة
• ده حتي كمان لو عنده شك في نتائج البرامج معندهوش مشكلة خالص يجيب ورقة و قلم و يحل الجزئية مانيول بإستخدام معادلات الكود اللي إحنا ملخصينها في كورس الخرسانة مانيول
• بإختصار أفضل طريقة علشان تكون محترف في مجال التصميم الإنشائي هي إنك تكون شاطر جدا و سريع جدا في البرامج و كمان فاهم أوي مانيول و فاهم أساس المعادلات جه منين علشان تقدر تُحكم كويس علي نتائج البرامج اللي إنت إشتغلت عليها
• علشان كدة جمعنا لكم في مسار إعداد مهندس تصميم إنشائي كل كورسات التصميم الإنشائي المتاحة عندنا اللي بتجمع بين المانيول و البرامج

1- خـرسـانـة مانيول “المستوى الأول” :

• هنبدأ بالكورس الأساسي اللي بيفهمنا و بيفكرنا بأساسيات التصميم الإنشائي الكورس ده قائم علي فكرتين رئيسيتين:
• الأولي: وهي إننا نفهم بجد معادلات الخرسانة و أساسياتها نفهم يعني إيه مومنت يعني إيه شير إزاي بنحسب الأحمال نفهم القوانين مش نحفظها و خلاص
• الثانية: إننا بنحل مع بعض مسائل، بس مش بنفس طريقة الكلية اللي هو يدينا معطيات وإحنا نحل على أساسها.. لأ، هنا بنحل المسائل بطريقة متكاملة مترابطة.. بمعنى علشان نصمم أساسات محتاجين نجيب أحمال البلاطة، ثم ننقل الأحمال على الكمرات، ثم نصمم الأعمدة، ثم نصمم الأساسات، فبالطريقة دي بتوضح لنا الصورة كاملة.
• علي فكرة في الكورس ده مش بنشرح خرسانة بس لأ بيكون إستراكشر و أساسات

2- خـرسـانـة مانيول “المستوى الثاني” :

• الكورس يحتوي علي 8 مواضيع مهمة جدا لكل مهندس مدني مهتم بتصميم المنشأت الخرسانية :-

1. تصميم العناصر المعرضة لشد محوري Tie Members
2. تصميم القطاعات المعرضة لقوي رأسية مع عزوم N&M
3. تصميم القطاعات المعرض لقوي رأسية مع عزوم مزدوجة N&Mx&My
4. تصميم الأعمدة النحيفة Long Columns
5. تصميم الكمرات علي عزوم إلتواء Torsional Moment
6. تصميم السلالم Stairs
7. تصميم البلاطات المفرغة Hollow Block Slab
8. تصميم البلاطات اللاكمرية Flat Slabs

3- دبـلـومـة التصميم الإنشائي “6 برامج + 4 مشاريع” :

• وهنا بقي بنتعلم البرامج الهندسية بالتفصيل بداية من برنامج الأوتوكاد ثم السيف و الساب و الإيتابس و الـ Sap-Column و الـ Excel بنتعلم البرامج من الصفر ومش محتاجك تكون فتحت البرامج دي قبل كدة..وهنرسلك لينك فيه كل البرامج مع التفعيل مع فيديوهات كيفية التسطيب
• في الكورس مش بنتعلم برامج بس، لأ إحنا بنشرح الـ Statical System مانيول بالتفصيل، كيفية اختيار النظام الإنشائي (سوليد ولا فلات ولا هولو).
• بنشرح كيفية تصميم الكمرات، الأعمدة، الأساسات، وبرضه هنتعلم إزاي نصمم منشأ على زلازل ورياح.
• كمان معانا مشروع للفريمات ومشروع للتانكات.
• بإختصار الكورس ده هيعلمك إزاي تكون مهندس تصميم إنشائي محترف

4- الأوتوكاد : 

• هتتعلم بالتفصيل برنامج الأوتوكاد من الألف إلي الياء
• هتتعلم كل أوامر Draw و Modify
• إزاي تعمل Layouts وتظبط مقاييس الرسم؟
• أفضل الطرق للطباعة وإخراج اللوحات بأعلى جودة.
• هتطبق كل اللي اتعلمته على مخططات معمارية وإنشائية حقيقية.
• تتعلم ازاي تخرج لوحات تنفيذية كاملة بدون أي مشاكل

و بكدة يبقي إنت جمعت كل كورسات التصميم الإنشائي مانيول و برامج

مزيد من تفاصيل كل كورس زي فيديوهات و صور من الكورس المحتوي التفصيلي لكل كورس محاضرات الكورس و أراء العملاء هتلاقيها تحت لما تضغط علي أي كورس