أسس توزيع الأعمدة

✅ 15 ملحوظة خلي بالك منهم و إنت بتوزع الأعمدة :

1- ممنوع وضع عمود في منتصف أي فراغ معماري (غرفة – مطبخ – حمام – …..)

2- ممنوع وضع عمود في أي فتحة باب أو شباك (علي فكرة ممكن نحط كمرة فوق الباب و الشباك عادي)

3- ممنوع وضع عمود خارج حدود الدور الأرضي (النسبة البنائية)

4- بالتالي ممنوع وضع عمود في أي بروز من بروزات الأدوار المتكررة

5- يفضل ألا تزيد المسافات بين الأعمدة عن 7 متر حتي لايزيد الـ Deflection

6- يفضل ألا تقل المسافات بين الأعمدة عن 3 متر حتي لا يحدث قواعد مشتركة كثيرة

7- يفضل أن يكون توزيع الأعمدة متزن يعني ضرب نصف الأعمدة في إتجاه X و النصف الأخر في إتجاه Y (ضرب العمود يعني طول العمود الأكبر)

8- يتم وضع الأعمدة علي الحدود الخارجية للمبني أولاً

9- يتم وضع الأعمدة في أركان الغرف ثانياً

10- في الواجهة الخارجية يفضل أن يكون ضرب العمود عمودي علي الواجهة لأسباب كثيرة أهمها حتي لا يعيق فتحات الشبابيك

11- في الحوائط الداخلية يفضل أن يكون ضرب العمود موازي للحائط حتي لا يتكون مناطق ميتة في مساحات الغرف المصطلح الشهير Dead Zone

12- أهم نقطة يجب أن يكون توزيع الأعمدة متناسب مع المساقط الأفقية المختلفة يعني في البدروم جراج و مخازن و الأرضي تجاري و المتكرر سكني لازم الأعمدة بتاعتنا (قدر الإمكان) تكون متنسابة مع الأدوار كلها و دي تقدر تظبطها بأمر Block في برنامج الأوتوكاد

13- خلي بالك من مسار حركة السيارات في الجراج في البدروم ممنوع وضع عمود في مسار السيارات في الجراج

14- حاول قدر إستطاعتك تقلل من الأعمدة المزروعة ممكن تستخدم عمود منتهي في البدروم أو الأرضي لغرض تحميل كمرة ده عادي

15- لو عاوز تجيب عدد الأعمدة التقريبي إقسم المساحة علي 15 مثال مبني مساحته 400 متر يبقي عدد الأعمدة يكون في حدود 400/16 = 27 عمود ( ودي مش قاعدة دي رقم إسترشادي فقط)