مسار إعداد مهندس “مكتب فني”

عايز تبقي مهندس مكتب فني عندك ثقة وكفاءة؟…..الباكدج ده معمول مخصوص علشانك.
جمعنالك في دبلومة واحدة كل المهارات اللي محتاجها علشان تبدأ أو تطور مسيرتك كـ مهندس مكتب فني محترف.

مسار إعداد مهندس “مكتب فني” مع المهندس هشام طارق هو أقوى باكدج تدريبي بيشمل 4 كورسات متكاملة بأسلوب تطبيقي، من البداية للنهاية.

مكونات باكدج “دبلومة اعداد مهندس مكتب فني”

1️⃣ كورس حصر الكميات – “خرسانات + حديد تسليح + تشطيبات” 

• الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
• بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم، وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة (المستطيل
• الدائرية) الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
• الأهم من ده كله، إننا هنحصر كل البنود دي حديد تسليح، هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
• وأكيد مش هننسى بنود التشطيبات، عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).

مش بس بنحصر، إحنا بنعلّمك كمان إعداد المقايسات، استخراج الأوزان، حساب معدل الاستهلاك، وطريقة التسعير.
كل ده من خلال تطبيق عملي على 4 مشاريع حقيقية.

2️⃣ كورس شوب دروينج “مانيوال” – فهم التفاصيل

• عاوز تكون فاهم كل تفصيلة من تفاصيل حديد التسليح لكل البنود في الموقع؟
• عاوز تكون فاهم علاقات العناصر ببعض؟ (علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات).
• نعمل إيه لو عندنا كمرة متغيرة العرض أو كمرة متغيرة العمق؟ نعمل إيه لو عندنا كمرة مكسورة في البلان؟ تفصيلة الدروب بانل؟ تفصيلة تهبيط بلاطة الحمام؟ وغير كده كتير جدًا من تفاصيل التسليح.
• كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.

ده أقوى كورس مكتب فني وشوب دروينج مانيوال هتلاقيه.

3️⃣  شـوب دروينج “ASD” 

• بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة
• يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب
• تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة
• علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر
• بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي جدول الـ BBS و جدول حصر الكميات
• فبعرف أطوال الأسياخ المطلوبة و أشكالها ووزن كل قطر علشان أعرف أطلب الكمية
• برنامج رهيب بإمكانيات جبارة

الكورس ده بيأهلك تشتغل فعليًا في أي مكتب فني، وده سبب إن البكدج تصنف كـ أفضل كورس مكتب فني عملي.

4️⃣ كورس الأوتوكاد 

• هتتعلم بالتفصيل برنامج الأوتوكاد من الألف إلي الياء
• هتتعلم كل أوامر Draw و Modify
• إزاي تعمل Layouts وتظبط مقاييس الرسم؟
• أفضل الطرق للطباعة وإخراج اللوحات بأعلى جودة.
• هتطبق كل اللي اتعلمته على مخططات معمارية وإنشائية حقيقية.
• تتعلم ازاي تخرج لوحات تنفيذية كاملة بدون أي مشاكل

و بكدة يبقي إنت جمعت كل كورسات المكتب الفني وكلها مهم تتعلمها سواء كنت بتدور على كورس مكتب فني معماري أو مدني.

🎯 ليه المسار ده مختلف؟

• تقدر تقول عليه أقوى دبلومة لإعداد مهندس مكتب فني لأنك بتشتغل على مشاريع فعلية مش مجرد شرح نظري.
• الدبلومة مناسبة لمهندسين حديثي التخرج وأي حد عايز يعمل Career Shift.
• بتتعلم كل حاجة خطوة بخطوة، من أول قراءة اللوحات لحد إعداد الجداول والتقارير.

🎓 محتوى دبلومة مهندس المكتب الفني المحترف

كل كورس جواه:

• فيديوهات تطبيقية من الموقع
• صور من الواقع
• شرح مفصل للبنود الفنية
• محتوى تدريبي محدث طبقًا للكود المصري
• آراء مهندسين فعلاً اشتغلوا بعد الكورس

وختامًا…

كل كورس من الكورسات دي متاح ليك مدى الحياة. تقدر تنزّل المحتوى وتحتفظ بيه، وتراجعه في أي وقت تحتاج فيه تدعم شغلك أو تنعش معلوماتك. سواء كنت شغال في مشروع وعايز ترجع لتفصيلة معينة، أو داخل على وظيفة جديدة وعايز تراجع كل حاجة بثقة—المحتوى معاك، في جيبك، جاهز يخدمك في كل مرحلة من رحلتك.

استثمر في تعليمك دلوقتي، لأن المعرفة الحقيقية عمرها ما بتنتهي.

مزيد من تفاصيل كل كورس زي فيديوهات و صور من الكورس المحتوي التفصيلي لكل كورس محاضرات الكورس و أراء العملاء هتلاقيها تحت لما تضغط علي أي كورس.