Structural Design & BIM Track

الباكدج تحتوي علي الكورسات التالية :

1- التصميم الإنشائي

2- خرسانة مانيول “مستوي 1”

3- خرسانة مانيول “مستوي 2”

4- حصر الكميات

5- شوب دروينج “مانيول”

6- شوب دروينج “ASD”

7- الإكسيل الهندسي

8- التصميم الإنشائي ببرامج الـ Bim 

9 – الريفيت “الإنشائي”

10-شوب دروينج ببرامج الـ Bim

المحتوي المختصر لكل كورس :

1- دبـلـومـة التصميم الإنشائي :

• في الكورس ده هتخرج منه مهندس تصميم إنشائي متعلم 6 برامج من الصفر + بتعرف تصمم 4 أنواع مشاريع مختلفة.
• هنا بقي بنتعلم البرامج الهندسية بالتفصيل بداية من برنامج الأوتوكاد ثم السيف و الساب و الإيتابس و الـ Sap-Column و الـ Excel بنتعلم البرامج من الصفر ومش محتاجك تكون فتحت البرامج دي قبل كدة..وهنرسلك لينك فيه كل البرامج مع التفعيل مع فيديوهات كيفية التسطيب.
• في الكورس مش بنتعلم برامج بس، لأ إحنا بنشرح الـ Statical System مانيول بالتفصيل، كيفية اختيار النظام الإنشائي (سوليد ولا فلات ولا هولو).
• بنشرح كيفية تصميم الكمرات، الأعم دة، الأساسات، وبرضه هنتعلم إزاي نصمم منشأ على زلازل ورياح.
• كمان معانا مشروع للفريمات ومشروع للتانكات.
• بإختصار الكورس ده هيعلمك إزاي تكون مهندس تصميم إنشائي محترف.

2- خـرسـانـة مانيول “المستوى الأول” :

هنبدأ بالكورس الأساسي اللي بيفهمنا و بيفكرنا بأساسيات التصميم الإنشائي الكورس ده قائم علي فكرتين رئيسيتين:

• الأولي: وهي إننا نفهم بجد معادلات الخرسانة و أساسياتها نفهم يعني إيه مومنت يعني إيه شير إزاي بنحسب الأحمال نفهم القوانين مش نحفظها و خلاص.
• الثانية: إننا بنحل مع بعض مسائل، بس مش بنفس طريقة الكلية اللي هو يدينا معطيات وإحنا نحل على أساسها.. لأ، هنا بنحل المسائل بطريقة متكاملة مترابطة.. بمعنى علشان نصمم أساسات محتاجين نجيب أحمال البلاطة، ثم ننقل الأحمال على الكمرات، ثم نصمم الأعمدة، ثم نصمم الأساسات، فبالطريقة دي بتوضح لنا الصورة كاملة.

• المواضيع اللي ناقشناها في الكورس :

  1- Supports
  2- Inertia and Stiffens
  3- Rigid and Elastic Supports
  4- External Loads
  5- Internal Forces
  6- Three Moment Equation
  7- Properties of Reinforcement Concrete
  8- Design Of Solid Slabs
  9- Loads Distribution
  10- Design Of Beams Due To Bending Moment
  11- Design Of Beams Due To Shear Force
  12- Design Of Short Columns
  13- Design Of Shallow Foundations

• 3- خـرسـانـة مانيول “المستوى الثاني” :

  إستكمالاً للمستوي الأول عملنا مستوي ثاني أكثر تقدماً شرحنا فيه موضوعات متقدمة أكثر

  • المواضيع اللي ناقشناها في الكورس :
  1. تصميم العناصر المعرضة لشد محوري Tie Members
  2. تصميم القطاعات المعرضة لقوي رأسية مع عزوم N&M
  3. تصميم القطاعات المعرض لقوي رأسية مع عزوم مزدوجة N&Mx&My
  4. تصميم الأعمدة النحيفة Long Columns
  5. تصميم الكمرات علي عزوم إلتواء Torsional Moment
  6. تصميم السلالم Stairs
  7. تصميم البلاطات المفرغة Hollow Block Slab
  8. تصميم البلاطات اللاكمرية Flat Slabs

4- حـصـر الكميات “خرسانات + حديد تسليح + تشطيبات” :

• الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
• بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم.
• وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة المستطيلة و الدائرية – الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
• الأهم من ده كله، إننا هنحصر حصر تفصيلي لحديد تسليح كل البنود.
• هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
• حصر كامل و تفصيلي لبنود التشطيبات.
• عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).
• الحصر بإستخدام برنامج الأوتوكاد و برامج إضافية تضاف لبرنامج الأوتوكاد لتسهيل و تسريع عملية الحصر.
• الحصر بإستخدام برنامج الإكسيل اللي هنتعلم مع بعض إزاي نعمل الشيت بالكامل بكل معادلاته.
• التطبيق علي 4 مشاريع و هتستلم مع الكورس مكتبة شيتات إكسيل تساعدك علي إنجاز عمليات الحصر المستقبلية بسرعة كبيرة.

5- شـوب دريونج “مانيول” :

• عاوز تكون فاهم كل تفصيلة من تفاصيل حديد التسليح لكل البنود في الموقع؟
• عاوز تكون فاهم علاقات العناصر ببعض؟
• علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات.
• نعمل إيه لو عندنا كمرة متغيرة العرض أو كمرة متغيرة العمق؟
• نعمل إيه لو عندنا كمرة مكسورة في البلان؟ تفصيلة الدروب بانل؟
• تفصيلة تهبيط بلاطة الحمام؟ وغير كده كتير جدًا من تفاصيل التسليح.
• كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.

6- شـوب دروينج “ASD” :

• بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة.
• يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب.
• تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة.
• علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر.
• بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي

7- الإكسيل الهندسي:

• تطويع الإكسيل هندسياً: هتتعلم إزاي تحول الإكسيل من مجرد جداول لأداة احترافية بتخلص حساباتك الهندسية وتطلع نتايج دقيقة في ثواني.

• بناء شيتات التصميم: شرح عملي لبناء شيتات تصميم إنشائي كاملة (بلاطات، كمرات، أعمدة) وحساب الـ Section Capacity أوتوماتيكياً.

• المعادلات التقيلة: احتراف المعادلات اللي بتخدم المهندس زي (Vlookup, IF, Ceiling) وإزاي تعمل (Nested Formulas) تجمع أكتر من 5 معادلات في خلية واحدة.

• سيستم حصر ذكي: بناء شيتات حصر كميات وتفريد حديد (BBS) للقواعد والأعمدة والكمرات، مع حساب طول السيخ والوصلات وتكثيف الكانات.

• التسعير والمقايسات: إزاي تعمل شيت تسعير لمبنى كامل، وتحسب خاماتك (إسمنت، رمل، سن، حديد) ونسب الهالك، وتقارن بين الصب اليدوي والجاهز.

• الربط بين الشيتات: تعلم إزاي تربط شيتات التصميم والحصر ببعضها عشان أي تغيير في رقم يسمع في المشروع كله أوتوماتيك.

• إخراج تقارير احترافية: أسرار التنسيق والطباعة (Final Output) عشان تطلع تقارير هندسية منظمة وجاهزة للمناقشة أو التسليم.

• من الصفر للاحتراف: الكورس بيبدأ معاك من البداية تماماً وبيتدرج لحد ما تعمل السيستم الخاص بيك اللي يضمن لك السرعة والدقة في أي مكتب أو موقع.

8- التصميم الإنشائي ببرامج الـ Bim :

• الدبلومة عبارة عن رحلة من 10 مستويات بنبدأ فيها من أساسيات الريفيت لحد تطبيق نظام الـ BIM الإنشائي بالكامل على مشروع حقيقي.
• بتتعلم الريفيت الأساسي والمتقدم، من إنشاء العناصر الإنشائية (أعمدة – كمرات – بلاطات – أساسات) لحد عمل العائلات (Families) والتسليح واستخدام إضافة Naviate.
• مقدمة شاملة عن تقنية الـ BIM — الفرق بينها وبين الـ CAD، استخداماتها، وتطورها، ومستويات التفاصيل LOD.
• بناء الموديل الإنشائي الكامل على الريفيت وربطه بالموديل المعماري المستلم.
• إنشاء الموديل التحليلي وتصديره لبرنامج ETABS للتحليل الإنشائي.
• مرحلة التصميم الإنشائي وتشمل تعريف المواد، التصميم الزلزالي، فحص العزوم والهبوط، وتصميم جميع العناصر الخرسانية.
• تنفيذ عملية التنسيق (Coordination) بين الأقسام المختلفة واكتشاف التعارضات داخل الريفيت.
• شرح متكامل لبرنامج Navisworks واستخدامه في الـ Clash Detection والـ Time Liner لجدولة التنفيذ.
• إعداد جداول الحصر والكميات واستخراج اللوحات الإنشائية التفصيلية من داخل الريفيت (Plans, Elevations, Sections, Notes).
• التطبيق العملي: تطبيق كامل على مشروع فيلا سكنية من قراءة الموديل المعماري، وبناء الموديل الإنشائي، وتحليل التصميم في ETABS، لحد تجهيز اللوحات وجداول الكميات.

9- الريفيت “الإنشائي” :

• في الكورس هنشرح برنامج الريفيت الإنشائي من الصفر مش شرط يبقي عندك سابق معرفة.
• هنتعلم إزاي نرسم كل العناصر الإنشائية بدقة عالية: أعمدة، كمرات، بلاطات، أساسات، وسلالم.
• إزاي تبني موديل 3D كامل واقعي يوضح كل التفاصيل الإنشائية بدقة ويسهّل التنسيق بين التخصصات.
• هنتعلم إزاي نشتغل على مشروع متكامل من أول إعداد الملف لحد إخراج اللوحات الجاهزة للتسليم.
• هنشرح إزاي Coordination علشان تربط الموديل الإنشائي بالمعماري علشان كل تعديل معماري ينعكس مباشرة على الموديل الإنشائي.
• تتعامل مع الـ Analytical Model وتربطه ببرامج التحليل زي SAP أو ETABS علشان تعمل التصميم والتحليل في نفس المشروع.
• تعمل حصر كميات دقيق باستخدام الـ Schedules داخل الريفيت نفسه.

10-شوب دروينج ببرامج الـ Bim :

• هدف الكورس إننا نفهم ازاي نقدر نسلح ونطلع لوح شوب دروينج من علي الريفيت.
• هنعمل شوب دروينج لكل العناصر زي الفلات سلاب – الأعمده – الكمرات – القواعد – السملات – اللبشه – السلالم – حوائط الخزان – السوليد سلاب.
• في الكورس بنطبق تطبيق كامل علي أكثر من مشروع و بنعمل مع بعض إخراج للوحات بصورة إحترافية معتمدة من الإستشاري و قابلة للتنفيذ في الموقع.
• في نهاية الكورس هيكون عندك القدرة انك تشتغل تسليح وشوب دروينج علي الريفيت وطبعا الموضوع انتشر جدا الفتره الاخيره ولسه مفيش ناس كتير قادره انها تتقن به فانت هتتميز عن غيرك.
• وهتكون قادر علي اخراج اللوح بطريقه احترافيه وبشكل كويس جدا باذن الله.

مزيد من التفاصيل و المحتوي التفصيلي و أراء العملاء و فيديوهات مجانية من الكورس موجودة تحت لما تضغط علي “شاهد التفاصيل”