بص يا سيدي النوتة الحسابية من الأخر هي مستند إنت بتعمله علشان تثبت كل ما يفيد حسابات التصميم الإنشائ اللي إنت عاملها علشان الجهة المسؤولة عن المراجعة و إصدار التراخيص تكون قادرة إنها تراجع تصميماتك من ثم تعتمدها
النوتة الحسابية لازم توضح فيها الأتي :

1- تعريف بالمشروع من حيث الإستخدام و عدد الأدوار
2- تعريف بالكود المستخدم في التصميم
3- تعريف بالمواد المستخدمة في التصميم خرسانة إجهاد كام و حديد إجهاد كام
4- الأحمال اللي إنت مصمم عليها Live و FC و مباني و غيره
دي مهمة جدا علشان تخلي مسؤليتك لو حصل أي زيادة في الأحمال
5- تعريف بالبرامج المستخدمة في التحليل و التصميم الإنشائي
6- إيضاح عزوم البلاطات في إتجاه X و Y سفلي و علوي
7- إيضاح العزوم و الشير علي الكمرات مع جدول تصميم الكمرات
8- إيضاح ريأكشن الأعمدة و جدول تصميم و نمذجة الأعمدة و صممت علي كام دور
9- إيضاح كيفية تصميم القواعد بناء علي تقرير التربة

لو عاوز تتعلم إزاي تعمل نوتة حسابية بالتفصيل ده اللي بنعمله في كورس التصميم الإنشائي الأونلاين إعرف تفاصيله من هنا