دبلومة تصميم المباني العالية High-Rise Buildings Design Diploma
- في الدبلومة دي هتتعلم كل التفاصيل الخاصة بتصميم المباني العالية من البداية للنهاية، وهتفهم فعليًا إزاي يتم تصميم برج مكوّن من 20 دور، وإزاي بنواجه تأثير الزلازل والرياح، وإزاي بنختار النظام الإنشائي الأمثل علشان نحقق أقصى درجات الأمان والاستقرار للمبنى. محتوى الدبلومة مبني على تطبيقات عملية وعلى مشروع حقيقي، علشان تخرج منها جاهز إنك تشتغل في أي مكتب تصميم أو تستلم مشاريع وتصممها باحترافية.
المواضيع اللي هنتكلم فيها في دبلومة تصميم المباني العالية :
الجزء الأول :
- التصميم اليدوي للأحمال الجانبية الناتجة عن الزلازل والرياح، بداية من المفاهيم الأساسية للتصميم الزلزالي، وفهم فكرة الـ Response Spectrum، ومعرفة طريقة تحديد معاملات التصميم الزلزالي، وكمان تجميعات الأحمال، وعلاج الانجراف، والعزم الالتوائي العرضي، وفهم تأثير الـ P-Delta والفواصل الإنشائية.
- هنتعلم كمان حساب أحمال الرياح وتطبيقها على المبنى بالطرق المختلفة.
الجزء الثاني :
- هنغطي موضوعات متقدمة في التصميم الزلزالي زي أنواع أنظمة الـ Moment Frames، والتعامل مع مركز الكتلة ومركز الجساءة، وتصميم حوائط القص والـ Cores، وفهم مفهوم الـ Overstrength Design.
الجزء الثالث :
- هندخل بعد كده في التطبيق العملي الكامل على مشروع حقيقي، بداية من قراءة اللوحات المعمارية وفهم عناصر المبنى، لحد اختيار النظام الإنشائي المناسب، وتجهيز ملفات DXF، ثم النمذجة الكاملة على برنامج ETABS.
- هتتعلم تعمل كل الفحوصات الزلزالية المطلوبة، وتفهم القيم اللي بتطلع معاك وتتعامل معاها صح، وكمان تصميم العناصر الرأسية، وتنفيذ فحص الـ Punching، وتصميم الأسقف، وتصميم اللبشة (Raft Foundation) بشكل هندسي صحيح.
المشاريع اللي هنشتغل عليها داخل الدبلومة :
- مشروع كامل لمبنى مرتفع High-Rise Building
- هتتعلم نمذجة برج متعدد الأدوار على برنامج ETABS، وتحليل تأثير الأحمال الرأسية والأفقية، وتصميم الأعمدة، والكمرات، والبلاطات، واللبشة، وحوائط القص، وتطبيق الفحوصات الزلزالية بالكامل على المشروع. وهتفهم خطوة بخطوة إزاي تصمّم مبنى عالي حقيقي قابل للتنفيذ فعليًا.
البرامج اللي هنتعلمها :
- AutoCAD
- ETABS
- SAFE
- Excel
الدبلومة دي مناسبة لمين؟
- مناسبة لأي مهندس أو طالب هندسة عايز يفهم تصميم المباني العالية بشكل كامل، سواء كان داخل مشروع تخرج، أو مهندس مكتب فني أو تنفيذ عايز يبدأ مجال التصميم، أو مهندس حديث تخرج بيدور على دبلومة قوية تفتحله مجال الشغل داخل مصر أو خارجها.
ولو بتدور على دبلومة متخصصة في تصميم الأبراج ومتجربة في السوق ومبنية على مشروع حقيقي، فالدبلومة دي هتكون الأنسب ليك.
ليه تختار دبلومة تصميم المباني العالية؟
- لأنها مش مجرد شرح نظري، لكن تدريب عملي متكامل بيبدأ معاك من الأساسيات لحد نمذجة وتصميم مشروع كامل لمبنى عالي. كل الشرح واضح وعملي ومنظم، والكورس بالكامل أونلاين، تقدر تشوفه في أي وقت وبالطريقة اللي تناسب وقتك.
والأفضل إنك بتشترك مرة واحدة بس وبيفضل عندك محتوى الدبلومة مدى الحياة، تقدر ترجع له وقت المراجعة أو أثناء الشغل أو أثناء تجهيز أي مشروع جديد.
