وصلات السملات
الوصلات في العموم مكان ضعف في العنصر الانشائي فعلشان كدة لو إحنا عندنا الحرية نعمل وصلات في مكان الضغط و لا مكان الشد أكيد هختار وصلات في الضغط بحيث تكون أكثر أماناً و أقل طولاً
طيب بالنسبة للسملات بتتعرض لأكثر من حمل فبالتالي شكل المومنت بيتغير
فلو في حالة معينة المنطقة دي منطقة ضغط هلاقي نفس المنطقة في حالة تانية منطقة شد
يعني في حالة السمل يكون فوقه حمل حائط منطقة الضغط بتكون عند العمود في الأسياخ السفلية
طيب لو السمل ده إتعرض لهبوط جزئي هلاقي إن منطقة الضغط دي اتحولت لشد
فخلاصة الموضوع أنا مش عارف فين أماكن الضغط و أماكن الشد في السملات فبالتالي أنا هعمل وصلاتي كلها وصلات شد في أي مكان بس علي الأقل الوصلات السفلية و الوصلات العلوية متكونش في نفس المكان
فلو هتكون الوصلات تبادلية هيبقي طول الوصلة Ld في الشد
أما لو هتكون الوصلات غير تبادلية هتكون 1.3xLd في الشد