المحتوي المختصر لكل كورس :
1- الريفيت “الإنشائي” :
- في الكورس هنشرح برنامج الريفيت الإنشائي من الصفر مش شرط يبقي عندك سابق معرفة.
- هنتعلم إزاي نرسم كل العناصر الإنشائية بدقة عالية: أعمدة، كمرات، بلاطات، أساسات، وسلالم.
- إزاي تبني موديل 3D كامل واقعي يوضح كل التفاصيل الإنشائية بدقة ويسهّل التنسيق بين التخصصات.
- هنتعلم إزاي نشتغل على مشروع متكامل من أول إعداد الملف لحد إخراج اللوحات الجاهزة للتسليم.
- هنشرح إزاي Coordination علشان تربط الموديل الإنشائي بالمعماري علشان كل تعديل معماري ينعكس مباشرة على الموديل الإنشائي.
- تتعامل مع الـ Analytical Model وتربطه ببرامج التحليل زي SAP أو ETABS علشان تعمل التصميم والتحليل في نفس المشروع.
- تعمل حصر كميات دقيق باستخدام الـ Schedules داخل الريفيت نفسه.
2- شوب دريونج “ريفيت” :
- هدف الكورس إننا نفهم ازاي نقدر نسلح ونطلع لوح شوب دروينج من علي الريفيت.
- هنعمل شوب دروينج لكل العناصر زي الفلات سلاب – الأعمده – الكمرات – القواعد – السملات – اللبشه – السلالم – حوائط الخزان – السوليد سلاب.
- في الكورس بنطبق تطبيق كامل علي أكثر من مشروع و بنعمل مع بعض إخراج للوحات بصورة إحترافية معتمدة من الإستشاري و قابلة للتنفيذ في الموقع.
- في نهاية الكورس هيكون عندك القدرة انك تشتغل تسليح وشوب دروينج علي الريفيت وطبعا الموضوع انتشر جدا الفتره الاخيره ولسه مفيش ناس كتير قادره انها تتقن به فانت هتتميز عن غيرك.
- وهتكون قادر علي اخراج اللوح بطريقه احترافيه وبشكل كويس جدا باذن الله.
3- الريفيت المعماري :
- الكورس بينقلك من الصفر للاحتراف في برنامج Revit المعماري من خلال تنفيذ مشروع كامل حقيقي خطوة بخطوة.
- هتتعلم إعداد المشروع، ضبط الليفلز والمناسيب، وإنشاء العناصر الأساسية زي الحوائط، الأبواب، الشبابيك، الأسقف، الأرضيات، والسلالم.
- هتتعلم استيراد المخططات من AutoCAD وربطها بالمشروع داخل Revit مع معالجة الأخطاء الشائعة أثناء العمل.
- هتتعلم تنفيذ التفاصيل الداخلية والديكورات والزخارف الكلاسيكية، والتحكم في الإضاءة والتصميم الداخلي بدقة.
- إعداد البلانات، القطاعات، والواجهات المعمارية.
- ضبط الأبعاد والملاحظات الفنية في اللوحات.
- هتحسب كميات التشطيبات والأبواب والشبابيك والخامات وتصدرها إلى Excel بمعادلات جاهزة للتسعير.
- التركيز الأساسي على التطبيق العملي :كل خطوة بتتعلمها بتطبقها على مشروع حقيقي عشان تفهم الشغل الواقعي مش مجرد شرح نظري.
- مش هتحتاج ترسم على أوتوكاد : الكورس بيعلمك تبدأ التصميم وتنهيه بالكامل داخل Revit بدون الرجوع لأي برنامج تاني.
- هتخرج من الكورس جاهز تشتغل مشروع لوحدك: تقدر تعمل تصميم معماري متكامل، تضبط كل التفاصيل، وتطلع لوحات تنفيذية جاهزة.
4- حـصـر الكميات “خرسانات + حديد تسليح + تشطيبات” :
- الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
- بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم.
- وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة المستطيلة و الدائرية – الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
- الأهم من ده كله، إننا هنحصر حصر تفصيلي لحديد تسليح كل البنود.
- هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
- حصر كامل و تفصيلي لبنود التشطيبات.
- عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).
- الحصر بإستخدام برنامج الأوتوكاد و برامج إضافية تضاف لبرنامج الأوتوكاد لتسهيل و تسريع عملية الحصر.
- الحصر بإستخدام برنامج الإكسيل اللي هنتعلم مع بعض إزاي نعمل الشيت بالكامل بكل معادلاته.
- التطبيق علي 4 مشاريع و هتستلم مع الكورس مكتبة شيتات إكسيل تساعدك علي إنجاز عمليات الحصر المستقبلية بسرعة كبيرة.
5- شـوب دريونج “مانيول” :
- عاوز تكون فاهم كل تفصيلة من تفاصيل حديد التسليح لكل البنود في الموقع؟
- عاوز تكون فاهم علاقات العناصر ببعض؟
- علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات.
- نعمل إيه لو عندنا كمرة متغيرة العرض أو كمرة متغيرة العمق؟
- نعمل إيه لو عندنا كمرة مكسورة في البلان؟ تفصيلة الدروب بانل؟
- تفصيلة تهبيط بلاطة الحمام؟ وغير كده كتير جدًا من تفاصيل التسليح.
- كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.
6- شـوب دروينج “ASD” :
- بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة.
- يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب.
- تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة.
- علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر.
- بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي جدول الـ BBS و جدول حصر الكميات.
- فبعرف أطوال الأسياخ المطلوبة و أشكالها ووزن كل قطر علشان أعرف أطلب الكمية.
- برنامج رهيب بإمكانيات جبارة.
7- الأوتوكاد :
- هتتعلم بالتفصيل برنامج الأوتوكاد من الصفر إلي الإحتراف.
- هتتعلم كل أوامر Draw و Modify.
- هتتعلم إزاي تظبط الـ layers و الـ Dimension Style و الـ Text Style.
- إزاي تعمل Layouts وتظبط مقاييس الرسم؟
- هتتعلم إزاي تقدر تطبع لوحات إحترافية سواء كانت من الـ Model أو بـ Scale محدد من الـ Layout.
- هتطبق كل اللي اتعلمته على مخططات معمارية وإنشائية حقيقية.
- تتعلم ازاي تخرج لوحات تنفيذية كاملة بدون أي مشاكل.
- هتطبق علي رسم 25 رسمة مشروع كاملة.
مزيد من التفاصيل و المحتوي التفصيلي و أراء العملاء و فيديوهات مجانية من الكورس موجودة تحت لما تضغط علي “شاهد التفاصيل”
