كورس حصر الكميات

كورس حصر الكميات مناسب لمين؟

لو إنت مهندس مدني أو حتى طالب وبتجهّز نفسك لسوق الشغل، فدورة حصر الكميات دي معمولة ليك. الكورس هيساعدك تتعلم طريقة حساب وحصر الكميات بشكل عملي وسهل، وخصوصًا لو ناوي تشتغل كمهندس مكتب فني أو في المشاريع الإنشائية على أرض الواقع.

هتتعلم كيفية عمل حصر الكميات المعمارية والإنشائية بدقة، وهتطبق بنفسك على مشاريع منفذة فعليًا. الكورس بيشرح كل حاجة بالتفصيل: من حصر الكميات والمواصفات، لحد حساب الكميات عن طريق الأوتوكاد، وتنظيمها في جداول واضحة باستخدام الإكسيل.

يعني باختصار، لو عايز تكون مهندس فاهم وعارف تطلع دفاتر حصر محترمة لأي مشروع، يبقى الكورس ده ليك انت.

البرامج اللي هنشتغل عليها

• Autocad
• Excel

هيتم شرح حصر الكميات مانيوال ثم التطبيق على 4 مشاريع حصر كامل :

1. مشروع سكني
2. مشروع مستشفي
3. مشروع خزان مياه
4. مشروع للتشطيبات

هنتعلم ايه في دورة حصر الكميات؟

هنعرف بالتفصيل طريقة حصر الكميات خرسانات و حديد تسليح لجميع العناصر الإنشائية المختلفة :

• القواعد المنفصلة
• السملات
• القواعد الشريطية
• الأعمدة المستطيلة والدائرية
• حوائط القص (Shear Walls)
• الكور (Core)
• الحوائط الساندة
• البلاطات الفلات سلاب
• البلاطات السوليد سلاب
• البلاطات الهولوبلوك
• الكمرات العادية و الكمرات المدفونة
• الخزانات
• وغيرهم من العناصر اللي بتقابلنا في المشاريع الحقيقية
• بالإضافة لحصر كميات الأعمال الترابية :
  
  (حفر – إحلال – عزل القواعد – الردم بين القواعد)

• و كمان هنتعلم مع بعض إزاي نعمل دفاتر حصر بنود التشطيبات على مشروع كامل لوحده :
  
  – المباني الطوبة و النصف طوبة
  – المحارة الخارجية و الداخلية
  – الدهانات
  – سيراميك حوائط الحمامات و المطابخ
  – ارضيات (سيراميك – رخام – HDF)
  – الوزر و السيلكون
  – الجبسوم بورد
  – الأبواب
  – الألوميتال وغيرهم

هنتعلم مع بعض كيفية عمل شيتات الإكسيل الخاصة بحصر بنود الخرسانات و الحديد و التشطيبات و هنشرح كل أوامر الإكسيل اللي تأهلنا لعمل هذه الشيتات لحد لما يبقي عندنا شيتات إكسيل جاهزة تدخل فيها الأبعاد المختلفة لكل عنصر يطلعلك حصر الكميات على طول بصورة نهائية و سريعة.

من أهم الحاجات اللي ركزنا عليها في دورة حصر الكميات للمشاريع الانشائية هي حصر و تفريد الحديد مانيوال و حصر الكميات عن طريق الاوتوكاد , بالتأكيد لازم نكون فاهمين تفريد الحديد مانيول علشان نقدر نعمل حصر كميات و ده اللي بنعمله أثناء دورة حصر كميات.

بالتأكيد بنسلمك مكتبة من شيتات الإكسيل المستخدمة في حصر بنود المشاريع المختلفة بس الأهم من ده إن فيه جزء رئيسي من الكورس مخصص إننا إزاي نعمل شيتات الإكسيل دي بنفسنا فبنتطرق لشرح معادلات الإكسيل الخاصة بمهندس الحصر في الكورس.