المحتوي المختصر لكل كورس :
1- تنفيذ أعمال الخرسانات :
- الكورس ده بيشرحلك بالتفصيل كل أصول تنفيذ وإستلام الأعمال الخرسانية في الموقع، بدايةً من الأعمال الترابية زي إستلام بند الحفر والإحلال، وكمان إزاي تقرأ تقرير التربة وتحلله علشان تقدر تشتغل بأمان وكفاءة.
- هتتعلم إزاي تعمل ريكوستات إستلام البنود خطوة بخطوة، وهنشرحلك تنفيذ القواعد العادية والمسلحة والسملات من أول النجارة والحدادة لحد الصب والتسليح، وكمان الأعمدة والكمرات والسلالم والأسقف المختلفة سواء كانت هوردى أو فلات سلاب أو سوليد سلاب.
- كل بند مش بس هنشرحه نظري، لكن هتشوفه بيتنفذ قدامك بالفيديوهات المصورة في المواقع الحقيقية، علشان تتعلم إزاي تستلم وتراجع وتعرف أهم الملاحظات اللي تركز عليها في الإستلام.
- الكورس بيأهلك تكون مهندس موقع محترف جاهز لسوق العمل، وبيخليك تشوف المشاكل اللي بتحصل فعليًا في الموقع وإزاي تتصرف فيها، وكمان إزاي تتعامل مع العمال والمقاولين وتضمن جودة التنفيذ من البداية للنهاية.
- في نهاية الكورس هتكون قادر تنفذ وتستلم أي عنصر خرساني بإحترافية، وتكون فاهم كل تفصيلة بتفرق في جودة وسلامة المنشآت.
2- تنفيذ أعمال التشطيبات :
- الكورس ده بيشرحلك بالتفصيل كل أصول تنفيذ واستلام أعمال التشطيبات المختلفة في الموقع، بدايةً من أعمال المباني والعزل المائي والحراري، وكمان إزاي تستلم البند وتتأكد من مطابقته للمواصفات والجودة المطلوبة.
- هتتعلم خطوة بخطوة استلام وتنفيذ أعمال المحارة الداخلية والخارجية، وأعمال السباكة سواء الصرف أو التغذية من التأسيس لحد التشطيب، وأعمال الكهرباء من تأسيس الخراطيم واللوحات لحد تركيب المفاتيح والفيش والتشطيب النهائي.
- كمان هنشرحلك تنفيذ واستلام أعمال الجيبسوم بورد، وأعمال الكرانيش سواء كانت فيوتك أو جبس، وأعمال النجارة للأبواب والشبابيك، وأعمال الألوميتال وتركيبها في الموقع.
- هتشوف بعينك كل بند بيتنفذ بالفيديوهات المصورة من المواقع الحقيقية، وهتتعلم الملاحظات اللي تركز عليها في كل مرحلة من مراحل التنفيذ والاستلام، عشان تضمن الجودة وتتفادى الأخطاء اللي بتحصل فعليًا في المشاريع.
- الكورس كمان بيغطي أعمال التكسيات المختلفة زي الرخام والسيراميك والباركيه وHDF، وكمان أعمال الدهانات من التأسيس لحد التشطيب النهائي، وإزاي تتابع كل بند وتتأكد إنه مطابق للمواصفات الفنية ومعايير الجودة.
- في نهاية الكورس هتكون جاهز تكون مهندس موقع تشطيبات محترف، قادر تدير الموقع بكفاءة، وتحل المشاكل اللي بتحصل فعليًا، وتتعامل مع العمال والمقاولين، وتضمن إن المشروع يطلع بأعلى جودة من البداية للنهاية.
3- كورس عقود الفيديك :
الكورس ده هو العمود الرئيسي لأي مهندس شغال Contracts / Claims / مكتب فني… لأننا بنفك “الفيديك الأحمر 1999” عمليًا وبأسلوب بسيط، بحيث تعرف حقوقك والتزاماتك وإزاي تحمي موقفك من أول يوم في المشروع.
هتتعلم إيه بالتفصيل؟
- مقدمة قوية عن العقود
يعني إيه Contract؟ وأنواع عقود المقاولات… وليه الفيديك مختلف في إدارة المشروع. - نظرة عامة على FIDIC Red Book 1999
الكورس مبني على Conditions of Contract for Construction (Red Book 1999) + فهم هيكل الكتاب وإزاي تقرأه صح. - دور أطراف العقد: Employer – Engineer – Contractor
مين مسؤول عن إيه؟ وإزاي الإدارة والمكاتبات بتأثر على حقك الفني والمالي. - Variation Orders (التغييرات وأوامر التغيير)
إزاي الـ VO يتعامل معاه تعاقديًا… وإمتى يبقى مستحق… وكمان شرح Daywork طبقًا للبند 13.6. - المخاطر: Employer’s Risks / Contractor’s Care / Force Majeure
نحدد مين يتحمل المخاطر وإمتى… وإزاي تثبت ده ببنود العقد. - المدة والوقت والاستلام
شرح مفاهيم زي Commencement Date، و Time for Completion، و Taking-Over Certificate وتأثيرهم على الزمن والفلوس. - Payments (الدفعات والمستخلصات)
Advance Payment + Interim Payment Certificates + Final Statement… وقراءة الدفعات بطريقة تحافظ على حقوقك.
Claims (المطالبات)
أنواع المطالبات
“الحدث اللي يفتح Claim” (Event giving rise to the claim)
- إجراءات الإشعارات والـ Claim طبقًا للبند 20
- التسلسل الزمني ودور الـ Engineer في اعتماد/رفض المطالبة
- نظام الكورس
- الكورس متقسم إلى حوالي 29 فيديو (أجزاء قصيرة) علشان التطبيق والفهم يبقى سهل.
4- حـصـر الكميات “خرسانات + حديد تسليح + تشطيبات” :
- الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
- بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم.
- وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة المستطيلة و الدائرية – الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
- الأهم من ده كله، إننا هنحصر حصر تفصيلي لحديد تسليح كل البنود.
- هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
- حصر كامل و تفصيلي لبنود التشطيبات.
- عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).
- الحصر بإستخدام برنامج الأوتوكاد و برامج إضافية تضاف لبرنامج الأوتوكاد لتسهيل و تسريع عملية الحصر.
- الحصر بإستخدام برنامج الإكسيل اللي هنتعلم مع بعض إزاي نعمل الشيت بالكامل بكل معادلاته.
- التطبيق علي 4 مشاريع و هتستلم مع الكورس مكتبة شيتات إكسيل تساعدك علي إنجاز عمليات الحصر المستقبلية بسرعة كبيرة.
5- شـوب دريونج “مانيول” :
- عاوز تكون فاهم كل تفصيلة من تفاصيل حديد التسليح لكل البنود في الموقع؟
- عاوز تكون فاهم علاقات العناصر ببعض؟
- علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات.
- نعمل إيه لو عندنا كمرة متغيرة العرض أو كمرة متغيرة العمق؟
- نعمل إيه لو عندنا كمرة مكسورة في البلان؟ تفصيلة الدروب بانل؟
- تفصيلة تهبيط بلاطة الحمام؟ وغير كده كتير جدًا من تفاصيل التسليح.
- كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.
6- شـوب دروينج “ASD” :
- بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة.
- يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب.
- تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة.
- علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر.
- بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي جدول الـ BBS و جدول حصر الكميات.
- فبعرف أطوال الأسياخ المطلوبة و أشكالها ووزن كل قطر علشان أعرف أطلب الكمية.
- برنامج رهيب بإمكانيات جبارة.
7- الأوتوكاد :
- هتتعلم بالتفصيل برنامج الأوتوكاد من الصفر إلي الإحتراف.
- هتتعلم كل أوامر Draw و Modify.
- هتتعلم إزاي تظبط الـ layers و الـ Dimension Style و الـ Text Style.
- إزاي تعمل Layouts وتظبط مقاييس الرسم؟
- هتتعلم إزاي تقدر تطبع لوحات إحترافية سواء كانت من الـ Model أو بـ Scale محدد من الـ Layout.
- هتطبق كل اللي اتعلمته على مخططات معمارية وإنشائية حقيقية.
- تتعلم ازاي تخرج لوحات تنفيذية كاملة بدون أي مشاكل.
- هتطبق علي رسم 25 رسمة مشروع كاملة.
مزيد من التفاصيل و المحتوي التفصيلي و أراء العملاء و فيديوهات مجانية من الكورس موجودة تحت لما تضغط علي “شاهد التفاصيل”
