في اللبشة نخلي سمك العادية كبير 30 سم مثلا علشان يساعد في نقل الإجهادات و لا نخلي السمك 15 سم مثلا يبقي مجرد فرشة نظافة ؟
تعالي أقولك إحنا بنعمل إيه في القواعد المسلحة
بنختار سمك العادية يساوي سمك كبير 30سم أو 40سم في بعض الأحيان طيب هستفيد من كدة إيه ؟
هقولك ..
طول القاعدة المسلحة بيساوي طول القاعدة العادية – 2 في الرفرفة (رفرفة العادية عن المسلحة) و طبعا علشان الحمل بينتقل في الخرسانة بميل 1:1 يعني بزاوية 45 يعني طول الرفرفة بيساوي طول العادية
يبقي نقدر نقول إن طول المسلحة بيساوي طول العادية – 2 في سمك العادية
يعني كل لما سمك العادية يزيد طول القواعد و عرض القواعد المسلحة بيقل فبالتالي التكلفة تقل
تعالي بقي للبشة …
:
أبعاد البشة مرتبطة بحدود أعمدة المبني يعني مهما أزود سمك القواعد العادية ده مش هيخليني أقلل أبعاد اللبشة علشان أبعاد اللبشة بتكون علي حدود الأعمدة ده لو قلنا اننا معندناش رفرفة
فمهما أكبر في سمك العادية مش هستفيد حاجة في تقليل أبعاد اللبشة العادية
+ بقي إن اللبشة عنصر خرساني جاسئ مش محتاج سمك قواعد عادية يساعده في نقل الإجهادات
خلاصة الإجابة في القواعد المنفصلة إختار سمك قواعد عادية كبير نوعاً ما هيخليك تقلل في أبعاد القواعد المسلحة
في اللبشة إختار سمك قواعد عادية مجرد فرشة نظافة يساوي سطح التربة و يحمي الحديد من الكبريتات و الكلوريدات الموجودة في التربة