وصف كورس شوب دروينج مانيوال
- كورس شوب دروينج مانيوال وشوب دروينج سلالم هدفه إننا نفهم تفاصيل حديد التسليح
- ولاحظ ان انا قولتلك فهم تفصيله الحديد مش معرفة كيفية تنفيذها و خلاص
- مهم تبقي عارف إزاي تنفذ مقص السلم بس الأهم إنك تبقي فاهم إن مش لازم في كل سلم يكون فيه مقص
الوضع يعتمد علي سيستم السلم و إتجاه سريان الحمل ووجود تداخل في العزوم من عدمه - مهم تبقي عارف إزاي تنفذ تعمل وصلات السقف بس الأهم تبقى فاهم نوع الوصلة هي شد و لا ضغط و طولها بكام و لو إنت فاهم فعلا هتبقي عارف مش لازم لو عملت الوصلات في منطقة الضغط إنها تكون تبادلية – Staggered – و عادي خالص تكون قيمة الوصلة 40 فاي
- و مهم تبقي فاهم اتجاه الفرش والغطاء و الأهم تبقى فاهم ليه في الشبكة العلوية بنبدل الفرش والغطاء و يكونوا عكس الشبكة السفلية
- لو اتكلمنا في السوليد سلاب مهم تبقي فاهم إمتى لازم توقف كل سيخ مع نهاية كل باكية و إمتي ممكن السيخ يستمر في أكثر من باكية عادي
- لو دخلنا على الكمرات ممكن تكون فاهم إن لازم نكثف الكانات في كل الكمرات مع إن مش شرط خالص كل الكمرات تحتاج تكثيف أصلا
لو فاهم وظيفة كل سيخ هتبقي فاهم علاقة السيخ علوي الركيزة و حديد علوي تعليق الكانات اللي عمرهم ما يتقابلوا مع بعض بطول وصلة أبدا و لكن هو طول ركوب فقط نظراً لاختلاف وظيفة كل سيخ - لو دخلنا في الحوائط سواء ساندة أو قص لازم تبقي عارف ترتيبة الاسياخ الرأسية مع البرندات و كل حالة تختلف عن التانية
- شيء كويس لو معاك لوحة أساسات تبقي عارف إزاي تنفذ الحديد وفقاً لما هو جاء في اللوحات
بس خلي بالك كتير من اللوحات التصميم بتكون فقيرة في التفاصيل
فهتاخد قرار سيخ القاعدة المنفصلة يكون برجل ولا برجلين
هتاخد قرار في اتجاه الفرش والغطاء - السملات و ما أدراك بالسملات نهاية حديد السملات لنهاية العمود و لا لنهاية القاعدة
وصلات السملات العلوية و السفلية أماكنها فين و قيمتها بكام - علشان حاول تجتهد و تذاكر فهم الحديد فهم مومنت فهم مكان الشد فين و الضغط فين فهم العنصر معرض لقوي عاملة إزاي لأن ده هيأثر على قرارك في تنفيذ حديد التسليح في الموقع
كورس شوب دروينج مانيوال مناسب لمين ؟
- كورس شوب دروينج انشائي مناسب لشخصين الشخص الأول هو مهندس تنفيذ إستشاري بيستلم أو مقاول بينفذ و عاوز يكون فاهم فهم كامل لكل سيخ حديد بيتحط في الموقع فيقدر بكل سهولة يستلم أو ينفذ بند الحدادة لأي مشروع.
- الشخص الثاني هو مهندس مكتب فني سواء شغال في شركة أو عاوز يشتغل Freelancer و مطلوب منه يعمل لوحات شوب دروينج فالخطوة الأولي لعمل اللوحات هي فهم الحديد و تفاصيله مانيول ثم الخطوة اللي بعدها هيكون في استخدامه للبرنامج اللي هيساعده ينفذ التفاصيل اللي هو فاهمها سواء كان البرنامج ASD أو Revit و الإتنين الحمد لله عندنا ليهم كورسات ممكن تبقي تتطلع عليهم.
إيه الفرق بين شوب دروينج مانيول وRevit وASD؟
الفرق الجوهري إن الشوب دروينج المانيول بيعتمد على الفهم والتحليل بعقلك من غير ما تستخدم أي برامج. يعني بتتعلّم تقرأ اللوحات، وتفهم كل سيخ فين وليه، وتاخد قرارات تسليح بنفسك على أساس فهمك للمومنت والشد والضغط.
أما ASD وRevit فهما برامج بيسهّلوا عليك رسم اللوحات بعد ما تكون فاهم التفاصيل كويس. يعني البرامج دي أدوات بتنقل بيها اللي في دماغك لرسمة احترافية، لكن مش بتعلّمك تفكّر أو تحلّل.
ليه مهم تتعلم الشوب دروينج “مانيول” قبل ما تستخدم أي برنامج؟
علشان ببساطة البرامج زي ASD أو Revit هي أدوات رسم مش أدوات تفكير، يعني مش هتعلمك تفكر أو تحلل أو تاخد قرارات صح في التسليح… هي بتنفذ اللي إنت بتقوله.
لكن لو إنت مش فاهم الحديد بيتركب ليه كده؟ الطول ده جه منين؟ الوصلة دي صح ولا لأ؟ يبقى البرامج هتخليك ترسم غلط وانت مش واخد بالك.
تعلمك للشوب دروينج “مانيول” الأول بيدّيك الأساس اللي هتبني عليه شغلك كله. لما تبقى فاهم كل تفصيلة صح، ساعتها أي برنامج هتستخدمه هيبقى مجرد وسيلة تسهّل عليك، مش حاجة تمشيك وانت مغمّض.
عشان كده الكورس ده هو الخطوة الأولى والأساسية لأي مهندس عايز يكون فاهم الحديد صح… وبعدها تقدر تستخدم ASD أو Revit بثقة لأنك بقيت فاهم إنت بترسم إيه وليه.
