باكدج مكتب فني و ريفيت

الباكدج: 4 كورسات المكتب الفني + الريفيت الإنشائي

الباكدج دي مكونة من أربع كورسات تجمع كل كورسات المكتب الفني بالإضافة إلي البرنامج الأساسي في الشغل هو برنامج الريفيت :

1- حـصـر الكميات “خرسانات + حديد تسليح + تشطيبات” :

الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم، وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة (المستطيل
الدائرية) الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
الأهم من ده كله، إننا هنحصر كل البنود دي حديد تسليح، هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
وأكيد مش هننسى بنود التشطيبات، عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).

2- شـوب دريونج “مانيول” :

عاوز تكون فاهم كل تفصيلة من تفاصيل حديد التسليح لكل البنود في الموقع؟
عاوز تكون فاهم علاقات العناصر ببعض؟ (علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات).
نعمل إيه لو عندنا كمرة متغيرة العرض أو كمرة متغيرة العمق؟ نعمل إيه لو عندنا كمرة مكسورة في البلان؟ تفصيلة الدروب بانل؟ تفصيلة تهبيط بلاطة الحمام؟ وغير كده كتير جدًا من تفاصيل التسليح.
كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.

3- شـوب دروينج “ASD” :

بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة
يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب
تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة
علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر
بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي جدول الـ BBS و جدول حصر الكميات
فبعرف أطوال الأسياخ المطلوبة و أشكالها ووزن كل قطر علشان أعرف أطلب الكمية
برنامج رهيب بإمكانيات جبارة

4- الريفيت “الإنشائي” :

الكورس ده هيعلمك إزاي تستخدم Autodesk Revit Structure في تصميم المشروعات الإنشائية وإعداد النماذج ثلاثية الأبعاد باحترافية.
هنتكلم عن أساسيات نموذج معلومات البناء (BIM) وإزاي تقدر تدير بيانات المشروع بشكل منظم، بحيث يسهل عليك التصميم، الحصر، وإخراج اللوحات التنفيذية.
هتقدر تتعلم في خلال الكورس ده كيفية عمل 3d Model علي برنامج الريفيت و لعمل المطابقة بين المعماري و الإنشائي و كيفية التصدير من برنامج الأوتوكاد إلي برنامج الريفيت ثم كيفية إستخراج جداول حصر الكميات لبنود الخرسانات و التشطيبات من برنامج الريفيت
في الكورس هتدرس 9 مراحل رئيسية :

مرحلة التأسيس
مرحلة CAD TO REVIT
مرحلة اكتشاف اخطاء الموديل وتصحيحها
مرحلة اخراج تفاصيل و لوحات
مرحلة التسليح
مرحلة حصر الكميات
مرحلة اشكال الخرسانة المعقدة
مرحلة مشروع STEEL
مرحلة الربط بين المعماري و الانشائي

و بكدة يبقي إنت جمعت أهم 4 كورسات تخص المكتب الفني و الريفيت الإنشائي

الباكدج دي مناسبة لمين؟

• مهندسين مكتب فني ومواقع عايزين يجمعوا بين حصر الكميات + الشوب دروينج + نمذجة الريفيت في مسار واحد.

• خريجين وطلاب هندسة محتاجين أساس قوي عملي يخدمهم في التوظيف أو الفريلانس.

• أي حد ناوي يشتغل في الخليج أو مع شركات بدورة كاملة من الحصر → الشوب → الريفيت.

• مهندسين تصميم بدورهم على فهم أوضح لعلاقات العناصر وتسليم لوحات مترابطة.

هتستفيد ايه بعد ما تخلص الباكدج؟

• هتطلع دفاتر حصر دقيقة للخرسانات والتشطيبات، وتحسب أوزان الحديد وتسعير الطلبات.

• هتفك وتراجع تفاصيل التسليح وحالات خاصة (كمرة متغيّرة/مكسورة، دروب بانل، تهبيط حمام… إلخ) بثقة.

• هتنتج لوحات شوب دروينج واضحة ومطابقة للكود المصري مع فهم لعلاقات العناصر.

• هتبني نماذج Revit نظيفة، وتستخرج Schedules وتصدّر PDF/DWG للاعتماد.

• تبقى جاهز لسوق العمل بخطوات عملية متسلسلة من أول الموقع لحد الإخراج النهائي.

مزيد من تفاصيل كل كورس زي فيديوهات و صور من الكورس المحتوي التفصيلي لكل كورس محاضرات الكورس و أراؤ العملاء هتلاقيها تحت لما تضغط علي أي كورس