باكدج كل كورسات “المكتب الفني + التنفيذ”

1- تنفيذ أعمال الخرسانات :

•  الكورس ده بيشرحلك بالتفصيل كل أصول تنفيذ وإستلام الأعمال الخرسانية في الموقع، بدايةً من الأعمال الترابية زي إستلام بند الحفر والإحلال، وكمان إزاي تقرأ تقرير التربة وتحلله علشان تقدر تشتغل بأمان وكفاءة.
•  هتتعلم إزاي تعمل ريكوستات إستلام البنود خطوة بخطوة، وهنشرحلك تنفيذ القواعد العادية والمسلحة والسملات من أول النجارة والحدادة لحد الصب والتسليح، وكمان الأعمدة والكمرات والسلالم والأسقف المختلفة سواء كانت هوردى أو فلات سلاب أو سوليد سلاب.
• كل بند مش بس هنشرحه نظري، لكن هتشوفه بيتنفذ قدامك بالفيديوهات المصورة في المواقع الحقيقية، علشان تتعلم إزاي تستلم وتراجع وتعرف أهم الملاحظات اللي تركز عليها في الإستلام.
•  الكورس بيأهلك تكون مهندس موقع محترف جاهز لسوق العمل، وبيخليك تشوف المشاكل اللي بتحصل فعليًا في الموقع وإزاي تتصرف فيها، وكمان إزاي تتعامل مع العمال والمقاولين وتضمن جودة التنفيذ من البداية للنهاية.
• في نهاية الكورس هتكون قادر تنفذ وتستلم أي عنصر خرساني بإحترافية، وتكون فاهم كل تفصيلة بتفرق في جودة وسلامة المنشآت.

2- تنفيذ أعمال التشطيبات :

• الكورس ده بيشرحلك بالتفصيل كل أصول تنفيذ واستلام أعمال التشطيبات المختلفة في الموقع، بدايةً من أعمال المباني والعزل المائي والحراري، وكمان إزاي تستلم البند وتتأكد من مطابقته للمواصفات والجودة المطلوبة.
• هتتعلم خطوة بخطوة استلام وتنفيذ أعمال المحارة الداخلية والخارجية، وأعمال السباكة سواء الصرف أو التغذية من التأسيس لحد التشطيب، وأعمال الكهرباء من تأسيس الخراطيم واللوحات لحد تركيب المفاتيح والفيش والتشطيب النهائي.
• كمان هنشرحلك تنفيذ واستلام أعمال الجيبسوم بورد، وأعمال الكرانيش سواء كانت فيوتك أو جبس، وأعمال النجارة للأبواب والشبابيك، وأعمال الألوميتال وتركيبها في الموقع.
• هتشوف بعينك كل بند بيتنفذ بالفيديوهات المصورة من المواقع الحقيقية، وهتتعلم الملاحظات اللي تركز عليها في كل مرحلة من مراحل التنفيذ والاستلام، عشان تضمن الجودة وتتفادى الأخطاء اللي بتحصل فعليًا في المشاريع.
• الكورس كمان بيغطي أعمال التكسيات المختلفة زي الرخام والسيراميك والباركيه وHDF، وكمان أعمال الدهانات من التأسيس لحد التشطيب النهائي، وإزاي تتابع كل بند وتتأكد إنه مطابق للمواصفات الفنية ومعايير الجودة.
• في نهاية الكورس هتكون جاهز تكون مهندس موقع تشطيبات محترف، قادر تدير الموقع بكفاءة، وتحل المشاكل اللي بتحصل فعليًا، وتتعامل مع العمال والمقاولين، وتضمن إن المشروع يطلع بأعلى جودة من البداية للنهاية.

3- إدارة المشروعات “البريمافيرا” : 

• في كورس “إدارة المشروعات و تعليم برنامج البريمافيرا” هنتعلم كيفية إنشاء برنامج زمني إحترافي لمشروع ضخم عن طريق برنامج البريمافيرا (تعليم البرنامج هيكون من البداية تماماً) .
• الكورس مكون من 12 محاضرة + مواضيع إضافية خاصة بكيفية إعداد تقارير المشروع .
• كل محاضرة تحتوي علي فيديو الشرح + Assignment + Material PDf .
• خلال فترة الكورس هيتم الشرح و التطبيق على مشروع كبير يتكون من أكثر من 230 فيلا :
• المشروع خرسانات لفيلات يحتوي علي 5 انواع و احجام فيلات مختلفه بـ BUA التحدي إن فترة تنفيذ المشروع 14 شهر من أول امضاء العقد لحد التسليم
• الشرح بيكون من خلال تطبيق مثال عملي من أول قراءة معلومات المشروع إلي تسليم المشروع للاستشاري

4- حـصـر الكميات “خرسانات + حديد تسليح + تشطيبات” :

• الكورس ده هو بقي العمود الرئيسي في مجال المكتب الفني، بنشرح بالتفصيل إزاي نعمل حصر كميات لأربع مشاريع مختلفة.
• بنتعلم إزاي نعمل حصر كميات وإعداد المقايسات لبنود الأعمال الترابية زي الحفر والإحلال والردم، وبنود الخرسانات زي القواعد العادية – القواعد المسلحة المنفصلة – المشتركة – السملات – قواعد الجار – الأعمدة (المستطيل
• الدائرية) الحوائط الساندة – حوائط القص – الكور – السلالم – البلاطات بجميع أنواعها (سوليد، فلات، هولو).
• الأهم من ده كله، إننا هنحصر كل البنود دي حديد تسليح، هنطلع أوزان الحديد المطلوبة علشان نجيب معدل الاستهلاك، وعلشان نعرف نعمل تسعير ونقدر نعمل طلبية الحديد.
• وأكيد مش هننسى بنود التشطيبات، عندنا مشروع كامل بنحصره تشطيبات فقط (مباني، محارة داخلية وخارجية، سيراميك، كرانيش، جيبسوم بورد، ألوميتال..).

5- شـوب دريونج “مانيول” :

• عاوز تكون فاهم كل تفصيلة من تفاصيل حديد التسليح لكل البنود في الموقع؟
• عاوز تكون فاهم علاقات العناصر ببعض؟ (علاقة تسليح السملات مع القواعد، علاقة تسليح القواعد مع الأعمدة، علاقة تسليح الأعمدة مع الكمرات، علاقة تسليح البلاطة مع الكمرات).
• نعمل إيه لو عندنا كمرة متغيرة العرض أو كمرة متغيرة العمق؟ نعمل إيه لو عندنا كمرة مكسورة في البلان؟ تفصيلة الدروب بانل؟ تفصيلة تهبيط بلاطة الحمام؟ وغير كده كتير جدًا من تفاصيل التسليح.
• كل درس بنشرحه بنجيب صور وفيديوهات من الموقع علشان نفهم تفاصيل التسليح في أرض الواقع، وبنفتح ملحق التفاصيل الإنشائية في الكود المصري علشان نتعلم إزاي بنقرأ الكود ونطلع منه المعلومات المهمة بالنسبة لنا.

6- شـوب دروينج “ASD” :

• بنختم الرحلة بالبرنامج الأهم في مجال الشوب دروينج اللي من عليه بنقدر بكل سهولة نعمل لوحات تفاصيل تسليح بإحترافية كبيرة
• يعني مثلا إنت في الأوتوكاد بترسم خط لأ هو بيرسح سيخ حديد هو فاهم إن هو سيخ فبالتالي هو جواه مكتبة لأقطار التسليح فعلشان كدة بقدر أرسم السيخ بقطر المطلوب
• تقدر ترسم الأسياخ في القطاع الطولي أو نقط في القطاع العرضي أو تقدر ترسم كانات و هو جواه مكتبة لأشكال الكانات المختلفة
• علشان برنامج الـ ASD برنامج متخصص في الشوب دروينج وتفاصيل التسليح فهتلاقيه لما ترسم سيخ و بعدين تعمل رجل هو بيعمل دوران التشكل بتاع السيخ و كمان بياخد في إعتباره قطر الدوران ده في الحصر
• بمجرد ما بترسم السيخ وبتضيف المسافات بين الأسياخ و مسافة التوزيع أوتوماتيك هو بيقدر يعمل حصر كميات بعدد الأسياخ و بمجرد ما بخلص رسم للوحة بالكامل بكل سهولة بقدر أقوله إعملي جدول الـ BBS و جدول حصر الكميات
• فبعرف أطوال الأسياخ المطلوبة و أشكالها ووزن كل قطر علشان أعرف أطلب الكمية
• برنامج رهيب بإمكانيات جبارة

7- الأوتوكاد : 

• هتتعلم بالتفصيل برنامج الأوتوكاد من الألف إلي الياء
• هتتعلم كل أوامر Draw و Modify
• إزاي تعمل Layouts وتظبط مقاييس الرسم؟
• أفضل الطرق للطباعة وإخراج اللوحات بأعلى جودة.
• هتطبق كل اللي اتعلمته على مخططات معمارية وإنشائية حقيقية.
• تتعلم ازاي تخرج لوحات تنفيذية كاملة بدون أي مشاكل

مزيد من تفاصيل كل كورس زي فيديوهات و صور من الكورس المحتوي التفصيلي لكل كورس محاضرات الكورس و أراؤ العملاء هتلاقيها تحت لما تضغط علي أي كورس