هل لازم أشترك في كورس الخرسانة مانيول قبل ما أشترك في دبلومة التصميم الإنشائي بالبرامج ؟ و هل المانيول اللي موجود في دبلومة التصميم الإنشائي هو هو المانيول اللي موجود في كورس الخرسانة مانيول ؟
الإجابة المختصرة علي السؤالين لأ
– لأ مش شرط تشترك في كورس الخرسانة مانيول قبل ما تشترك في دبلومة التصميم الإنشائي
– و لأ المانيول اللي موجود في دبلومة التصميم مش هو هو المانيول اللي موجود في كورس الخرسانة مانيول
تعالي نتكلم علي كورس الخرسانة مانيول :
إنت لو مش راضي عن مستواك في مادة الخرسانة أو الإستراكشر أو الأساسات في الكلية أو حاسس إنك إتخرجت مش قادر تستوعب الأساسايات اللي زمايلك بيتكلموا فيها زي الـ Moment و الـ Shear و الـ Fy والـ Fcu و الـ Stress و الـ Strain و الـ Stiffness و الـ Inertia و …….. و غيرها من الأساسيات دي
أو و إنت بتحل مسألة متكاملة في الخرسانة في الكلية أو في الأساسات كنت حافظ الخطوات بس مش فاهم الخطوات دي ليه و بنعمل كدة ليه يبقي هيفيدك الإشتراك في كورس الخرسانة مانيول علشان الكورس قائم علي مبدأ الفهم في الشرح و الأساسيات و الفهم في ترتيب خطوات حل المسائل بطريقة متكاملة و مترابطة
تعالي بقي لدبلومة التصميم الإنشائي بالبرامج :
في الكورس بنشرح البرامج من الصفر و بنشرح مانيول برضه بس مش من الصفر يعني إيه أنا مثلا في برنامج السيف البرنامج هيعملي تحليل إنشائي فأنا مش محتاج أحل مسألة بالـ Three Moment Equation علشان أجيب المومنت و الشير علي البلاطة مش محتاج أعمل Load Distribution علشان أجيب الأحمال علي الكمرة مش محتاج أعمل Area Method علشان أجيب حمل العمود البرنامج بيعملي ده فمش هحتاج أشرحه في الكورس ده بالتفصيل
بنتكلم علي الحاجات دي بإختصار و بنتعلم إمتي نستخدم السيستم ده أصلا بنتعلم إزاي نفرض أبعاد العناصر بنتعلم إزاي نسلح العناصر الحاجات دي كلها بنشرحها مانيول و بنتعلم بقي إزاي نتعامل مع البرامج و إزاي بنعمل مشاريع كاملة
فلو إنت قوي في المانيول و فاهم الخرسانة كويس فإنت مش محتاج للخرسانة مانيول و دوس علي طول في دبلومة التصميم الإنشائي
أما بقي لو حابب تستفيد بالإتنين مع بعض خرسانة مانيول + دبلومة التصميم الإنشائي بالبرامج فإنت كدة مستواك بإذن الله هيكون قوي جدا في التصميم و ده هيخليك واقف علي أرض صلبة لإنك جبت أخر الحوار كله تخيل يبقي عندك القدرة علي تصميم مشروع كامل مانيول و عندك القدرة علي تصميم مشروع كامل بالبرامج
و علشان كدة عملتلك عرض مخفض علي حصولك علي الكورسين مع بعض :
1- دبلومة التصميم الإنشائي بالبرامج
2- كورس الخرسانة مانيول
