خليك مهندس شاطر
أكبر المكاتب الفنيةبتدوّر عليه
حصر كميات، شوب دروينج مانيول و ASD، وأوتوكاد من الصفر. مسار واحد مترتب خطوة بخطوة مع م/ هشام طارق، هتطبّق فيه على مشاريع حقيقية
المسار ده معمول لمين؟
لو لقيت نفسك في واحد من دول
يبقى المسار ده ليك
طالب تالتة أو رابعة
بترسم بالورقة والقلم وقلقان من بعد التخرج
ادخل سوق الشغل وإنت معاك مهارة مطلوبة فعلًا، مش شهادة الكلية لوحدها.
مهندس موقع
عايز تسيب الموقع وتنتقل للمكتب الفني
خبرة الموقع اللي عندك هتفرق معاك جدًا.
اللي ناقصك هو الحصر والشوب دروينج والبرامج.
عايز تسافر
شايف صحابك سافروا السعودية والخليج
المكتب الفني من أكتر الوظائف المطلوبة دلوقتي. جهّز نفسك بالمهارات اللي بتتسأل عليها في الإنترفيو.
شغال في السعودية
عايز تطوّر نفسك وتاخد خطوة لقدام
ذاكر في الوقت اللي يناسبك، من الموبايل أو اللابتوب، حتى من غير نت.
ليه المكتب الفني؟
المكتب الفني هو
عصب المشروع
هو العقل اللي بيدير ماليات المشروع. أي تسعير أو طلبية حديد أو لوحة تنفيذ بتطلع من عنده. وعشان كده المهندس اللي فاهم الحصر والشوب دروينج بجد مطلوب في أي شركة.
١ حصر الكميات
تحسب الحديد بسرعة عشان تعرف معدل الاستهلاك، وتسعّر صح، وتطلب طلبية الحديد اللي هتتنفذ.
٢ الشوب دروينج
تعرف هتقطع وترص الحديد إزاي في الموقع، عشان الهالك ميبقاش كبير.
٣ اللوحات التنفيذية
تطلّع تفاصيل التسليح بدقة عالية في لوحة تنفيذية احترافية، بالبرنامج المتخصص في كده.
المسار خطوة بخطوة
4 كورسات مترتبين، كل واحد
بيسلّمك للي بعده
بدل ما تلف على فيديوهات متفرقة، هتمشي في ترتيب واضح يبدأ من البرنامج وينتهي بلوحة تسليح جاهزة للتنفيذ.
01 الأوتوكاد
- كل أوامر Draw و Modify من الصفر للاحتراف
- ضبط الـ Layers والـ Dimension Style والـ Text Style
- الـ Layouts ومقاييس الرسم والطباعة الاحترافية
- تطبيق على مخططات معمارية وإنشائية حقيقية
هتطلع بـ: 25 رسمة مشروع كاملة
02 حصر الكميات
- الأعمال الترابية: حفر وإحلال وردم
- الخرسانات: قواعد، سملات، أعمدة، حوائط، سلالم، وبلاطات سوليد وفلات وهولو
- حصر تفصيلي لحديد تسليح كل البنود ومعدل الاستهلاك
- مشروع تشطيبات كامل: مباني ومحارة وسيراميك وجيبسوم بورد وألوميتال
- الحصر بالأوتوكاد وإضافاته، وشيت إكسيل هتبنيه بنفسك بكل معادلاته
هتطلع بـ: 4 مشاريع محصورة ومكتبة شيتات إكسيل جاهزة
03 شوب دروينج مانيول
- علاقات التسليح: سملات مع قواعد، قواعد مع أعمدة، أعمدة مع كمرات، بلاطة مع كمرات
- الكمرة متغيرة العرض أو العمق، والكمرة المكسورة في البلان
- تفصيلة الدروب بانل وتهبيط بلاطة الحمام، وتفاصيل تانية كتير
- صور وفيديوهات من الموقع في كل درس، وقراءة ملحق التفاصيل في الكود المصري
هتطلع بـ: فهم حقيقي لكل تفصيلة تسليح على أرض الواقع
04 شوب دروينج ASD
- برنامج فاهم إن الخط سيخ حديد، ومعاه مكتبة أقطار وأشكال كانات
- بيحسب دوران التشكيل وقطره في الحصر أوتوماتيك
- بيطلّعلك عدد الأسياخ وأطوالها وأشكالها ووزن كل قطر
- جدول BBS وجداول حصر الكميات بضغطة زرار
هتطلع بـ: لوحات تفاصيل تسليح احترافية جاهزة للتنفيذ
في آخر المسار
هتبقى قادر تعمل
ده بنفسك
- تحصر خرسانات وحديد وتشطيبات أي مشروع
- تبني شيت حصر إكسيل بمعادلاته من الأول
- تحسب معدل استهلاك الحديد وتطلب الطلبية صح
- تقرأ تفاصيل التسليح في الكود المصري
- تطلّع لوحات تسليح وجداول BBS على ASD
- تطلع لوحات أوتوكاد تنفيذية من غير مشاكل
هتذاكر إزاي؟
مذاكرة سهلة، في أي وقت، ومن أي جهاز
فيديوهات مسجلة مخصوص للأونلاين، مش تسجيل محاضرة في قاعة، وكلها على الأبليكيشن بتاعنا
أبليكيشن متقسّم بوضوح
كل فيديو متسمّي باسمه، فعارف إنت فين وإيه اللي جاي بعده.
ذاكر أوفلاين
نزّل الفيديوهات على موبايلك وكمّل من غير نت، في المواصلات أو في الموقع.
موبايل وكمبيوتر
أندرويد وآيفون وآيباد، وأبليكيشن للكمبيوتر عشان تطبّق على البرامج وإنت بتتفرج.
خطة مذاكرة يوم بيوم
كل يوم عارف هتذاكر أنهي فيديوهات وهتطبّق على إيه.
جروب متابعة وتاسكات
ترفع تاسكاتك وتسأل، وإحنا بنرد عليك، ومعاك كوميونيتي من مهندسين في نفس طريقك.
البرامج جاهزة
لينكات تحميل مباشرة وفيديو تسطيب، ولو وقفت في حاجة فريق الـ IT هيساعدك.
طب ما هو كله على يوتيوب؟
المعلومة موجودة،
بس مش في مكان واحد
هتلف كتير وتجمّع من هنا وهناك، ومحدش هيراجعلك شغلك.
| فيديوهات متفرقة | مسار المكتب الفني |
|---|---|
| مفيش ترتيب، وكل واحد بيبدأ من حتة | 4 كورسات مترتبين من الصفر للوحة التنفيذ |
| أمثلة سريعة | تطبيق على مشاريع كاملة وحقيقية |
| محدش بيرد على سؤالك | جروب متابعة وتاسكات بتتراجع |
| من غير شهادة | امتحان وشهادة إتمام |
هتتعلم مع مين؟
م/ هشام طارق
مهندس مدني، ومؤسس مكتب Hesham Tarek Engineering Solutions للخدمات والاستشارات الهندسية
آراء المتدربين
اسمع منهم مش مننا
السعر
4 كورسات في مسار واحد، بسعر أوفر
سعر المسار …. بتوفّر … مقارنة بشراء الكورسات منفصلة.
جاري تحديد العملة المناسبة لبلدك…
مسار إعداد مهندس المكتب الفني
- 4 كورسات كاملة، متاحة مدى الحياة
- مكتبة شيتات إكسيل للحصر
- البرامج بلينكات مباشرة ودعم IT
- خطة مذاكرة وجروب متابعة وتاسكات
- امتحان وشهادة إتمام
فيزا · إنستاباي · فودافون كاش · بتدفع مرة واحدة بس
جرّب وإنت مطمّن: استرجاع خلال 14 يوم
لو حسيت إن المسار مش مناسب ليك، تقدر تطلب استرجاع خلال 14 يوم من الاشتراك. تفاصيل شروط الاسترجاع
أسئلة متكررة
كل اللي محتاج تعرفه قبل ما تبدأ
المسار فيه إيه؟
4 كورسات: الأوتوكاد، حصر الكميات، شوب دروينج مانيول، وشوب دروينج ASD، بتطبيقات على مشاريع حقيقية.
المحتوى بيفضل متاح قد إيه؟
الكورسات متاحة مدى الحياة، وبتدفع مرة واحدة بس.
ينفع أذاكر من الموبايل ومن غير نت؟
تقدر تذاكر من الموبايل أو الكمبيوتر، وتنزّل الفيديوهات على الموبايل من خلال الأبليكيشن للمذاكرة أوفلاين.
هل فيه متابعة وشهادة؟
فيه جروب متابعة وتاسكات بتتراجع، وامتحان وشهادة إتمام في نهاية المسار.
إيه نظام الاسترجاع؟
تقدر تطلب استرجاع خلال 14 يوم من الاشتراك وفقًا لسياسة الاسترجاع المنشورة على موقع هشام طارق.
خطوتك الجاية للمكتب الفني تبدأ النهارده
4 كورسات، مسار واحد، وتطبيق على مشاريع حقيقية.
ابدأ المسار بـ …