زمن شك الخرسانة: زمن الشك الابتدائي والنهائي

الشك الابتدائي ولا النهائي ؟

 الفرق اللي بيحدد نجاح الصبة

أولًا : زمن الشك الابتدائي (Initial Setting Time)

ده أول إنذار إن الخرسانة بدأت تتحول من سائل لعجينة. الخرسانة لسه قابلة للتشغيل

ينفع تصب، تهز، تسوي، وتعدل لكن بدأت تفقد سيولتها

📌 هندسيًا:

هو الزمن من لحظة إضافة الميه لحد ما الخرسانة تقاوم الاختراق بدرجة بسيطة.

ثانيًا : زمن الشك النهائي (Final Setting Time)

هنا الموضوع دخل مرحلة الجد. الخرسانة ما بقتش قابلة للتشغيل .

أي محاولة تعديل بعد كده = مشاكل وشروخ السطح بقى صلب ظاهريًا

📌 هندسيًا:

هو الزمن اللي الخرسانة عنده تفقد تمامًا خاصية اللدونة.

ثالثًا : زمن التصلد (Hardening Time)

وده اللي ناس كتير بتلخبطه مع الشك.

التصلد = اكتساب مقاومة

بيبدأ بعد الشك النهائي

وبيستمر أيام وشهور وسنين

📌 هندسيًا:

هو الزمن اللي الخرسانة خلاله تزود مقاومتها للضغط بسبب استمرار تفاعل الإماهة.

الخلاصة السريعة 👇

⏱️ الشك الابتدائي : لسه ينفع أشتغل

⏱️ الشك النهائي : ممنوع الشغل

⏱️ التصلد : القوة بتزيد مع الزمن