خطوات مهمة قبل البدأ في الخرسانة العادية

احنا بنبدأ بعد الحفر الخرسانة العادية على طول يا بشمهندس؟

لا طبعًا… في خطوات مهمة جدًا قبل ما نوصّل لمرحلة الخرسانة العادية، والخطوات دي الكود المصري بيشدد عليها لأنها أساس جودة الشغل كله 

1️⃣ تسوية منسوب قاع الحفر

بعد ما الحفر يخلص، لازم نسوّي القاع كله على نفس المنسوب بالميزان، عشان:

كل الأساسات تكون في مستوى واحد

الأحمال تتوزع صح

ونتجنب مشاكل الهبوط في المستقبل.

2️⃣ إزالة أي تربة مفككة

ممنوع نسيب تربة ضعيفة أو مفروشة… لازم تتشال لحد ما نوصل لتربة صلبة وصالحة للتأسيس.

3️⃣ الغمر بالمياه

بنرطّب التربة كويس لحد ما توصل للرطوبة المثالية، وده بيساعد جدًا في الدمك.

4️⃣ الدك (الدمك)

بيتم دمك القاع للوصول لدرجة دمك لا تقل عن 95% بروكتور… وده مطلب أساسي في الكود المصري.

5️⃣ اعتماد الاستشاري

قبل أي خرسانة… لازم الاستشاري يراجع القاع ويعتمده